Microsoft-ը հաքերային հարձակման է ենթարկվել՝ Google-ի հետազոտողի կողմից բացահայտված թերության պատճառով

Microsoft ընկերությունը հայտարարել է, որ ցանցահենները կոտրել են մի շարք համակարգիչներ՝ օգտագործելով Windows-ի «bug»-ի մասին տեղեկությունը, ինչն առաջին անգամ բացահայտել և հրապարակել էր Google-ի հետազոտողներից մեկը երկու ամիս առաջ, տեղեկացնում է Business Insider-ը՝ Reuters-ին հղումով:

Microsoft-ը քիչ տեղեկություններ է տրամադրում հաքերային հարձակումների մասին: Ըստ աղբյուրի՝ հետաքրքրական է, որ ընկերության հաղորդագրության մեջ օգտագործվում է «թիրախային հարձակումներ» տերմինը, որը սովորաբար կիրառվում է անվտանգության մասնագետների կողմից կառավարական կամ կորպորատիվ համակարգերի վրա իրականացվող հարձակումները բնութագրելու համար: