ՄԻՀՐԱՆԸ` Սելենա ԳՈՄԵՍԻ և ԱՄԵՐԻԿՅԱՆ ԱՅԼ ԱՍՏՂԵՐԻ մասին. ՎԻԴԵՈ

Ամերիկահայ  պարող, պարուսույց և պարերի բեմադրող  Միհրան Կիրակոսյանը մի քանի տարի է, ինչ  համագործացում է Սելենա Գոմեսի հետ, վերջերս էլ նոր բեմադրություններ է կատարել երգչուհու շրջագայության համար:  bravo.am-ին տված հարցազրույցում  Միհրանը պատմել է, որ մինչ այդ էլ՝  2008-ի օգոստոսին, պարել է երգչուհու Tell Me Something I Don’t Know  տեսահոլովակում. «Իմ ընկերներից մեկը՝ Hi Hat անունով պարերի բեմադրիչը, որն աշխատում է բազմաթիվ արտիստների հետ, առաջարկեց ինձ միանալ եւ նկարահանվել այդ տեսահոլովակում»:

Տեսահոլովակը դիտած հայ երկրպագուները նկատել են դրանում առկա Սասունցի Դավթի նկարը http://bloghar.blogspot.com-Ը արդեն ներկայացրել է այդ տեսահոլովակը այստեղ: Այս մասին Միհրանը տեղյակ չէր. «Անկեղծ ասած` առաջին անգամ նկատեցի: Բազմիցս դիտել եմ, բայց կադրում չէի նկատել արձանը»:

Միհրանի փոխանցմամբ՝ այն տունը, որտեղ նկարահանվել է Tell Me Something I Don’t Know տեսահոլովակը, պատկանում է հայի, որի ընկերը Սելենայի վիդեոյի պրոդյուսերն է. «Վերջինիս հետ աշխատել ենք նաեւ իմ՝  If You Want To տեսահոլովակի վրա»: